کد گوگل پلاس پیچک

توركون ديلي

توركون ديلي تك سئوگلي ايستكلي د يل اولماز          اوزگه ديله قاتسان بواصيل د يل اصيل اولماز

ئوز شعريني  فارسا – عربه   قاتماسا   شاعر             شعري  اوخويانلار  اشيدنلر   كسيل   اولماز

فارس شاعري چوخ سوزلريني بيزدن آپارميش         "صابر"كيمي بير سفره لي  شاعر پخيل اولماز

توركون   مثلي   فولكوري  دنيادا   تك  دير                 خان يورقاني  كندايچره  مثل دير ميتيل  اولماز

آذر   قوشونو   قيصررومي   اسير   ائتميش               كسري سوزودور بير بئله تاريخ ناغيل اولماز

پيشميش كيمي شعرين ده گرك داد-دوزي اولسون      كند اهلي بيلرلر كي دوشابسيز  خشيل  اولماز

سوزلرده     جواهر كيمي  دير  اصلي   بدلدن            تشخيص ورن اولسا بوقدر زير-زيبيل اولماز

شاعير  اولابيلمزسن  آنان   دوغماسا  شاعير            مس سن  آبالام هرساراي كوينك قيزيل اولماز

چوخ قيسابوي اولسان اولوسان جين كيمي شيطان       چوخ دا اوزون اولما كه اوزوندا عقيل  اولماز

مندن ده نه ظالم چيخار اوغلوم نه قصاص چي         بيردفعه  بونو قان  كي  ايپكدن قيزيل  اولماز

آزاد  قوي  اوغول عشقي  طبيعتده  بولونسون         داغ داشدا دوغولموش ده لي جيران حميل اولماز

اينسان اودي  توتسون  بوذليل  خلقين  اليندن          آلاهي   سورسن   بئله  اينسان  ذليل  اولماز

چوخ داكي سرابون سويي وار ياغ بالي واردير         باش عرشه ده چاتديرسا سراب اردبيل اولماز

ميلت غمي اولسا   بو جوجوقلار چوپه  دونمز         اربابلار   يميزدان   قارينلار   طبيل   اولماز

دوز  واختا   دولار  تاختا  طاباق  ادويه  ايله             اوندا كي   ننه م  سانجيلانار  زنجفيل  اولماز

بوشهريار ين طبعي  كيمي  چيممه لي  چشمه          كوثر   اولابيلسه   دئميرم   سلسبيل   اولماز

واي ائليم  ياندي ديليم

واي  ائليم  ياندي ديليم  سولدو گليم  گوز  بولاق  اولسون

آخ واييم داغلارا دوشسون دووران اولسون سازاق اولسون

هر  ني  خوشلوقا    تاپشير  داها   بيزدن  ايراق  اولسون

هر  قلم   ياس  باتيب    يازماسا   قوي   چولاق  اولسون

شهريار دان  ساري   حيدربابانين  باشي  ساغ    اولسون

دورنالار   واي    خبريم    گتدي    دماوند    اياقين  نان

داغلي    حيدربابا     حيراندو    داغلميش   توفاقون  نان

سوورور  باشينا  يل  كوللري   سولموش   اوجاقون  نان

آليير  سل   كيمي   گوزياشيني   داشلي      بولاقون  نان

بل  ماتم   د   گرك   بيرداغا    داغلار    داياق   اولسون

بل   اولاد    يوزون   هر  ايكي    دنيادا     آغ   اولسون

شهريار  دان  ساري  حيدربابانين  باشي   ساغ   اولسون

سنين بهرن يئين كيمدير؟

سنين بهرن يئين كيمدير؟

كيمينكي سن؟ييه ن كيمدير؟

سنه دوغرودئين كيمدير؟

يالان دنيا يالان دنيا!

سني فرزانه لر آتدي

قاپيپ ديوانه لر توتدي

 كيمي آلدي كيمي ساتدي

ساتان دونيا  آلان دنيا

آتي ازل داغا سالديق

يورولدوقجا دالي قالديق

آتي ساتديق اولاغ آلديق

يهراولدي  پالان دنيا

دورمني بوشا

يا گونومي گؤي اسگييه توتدي كه دمرمنب بوشا          جوتچو گؤربسه ن اؤكوزه اؤكوزقويوب بيزوو قوشا؟

سن الليني گچيب ياشين  من بيراوتوزياشيندا قيز         سؤيله گؤروم اتوز  ياشين  نه  نيسبتي  اللي  ياشا؟

سن يئره قويدون باشيوي من باشيما نه داش ساليم؟       بلكه  من  آرتيق  ياشاديم  نئله  مه  لي دئديم  ياشا؟

بيرده بلالي باش نچون يانينا سوپورگه باغلاسين         بؤركو   باشا   قويان   گرك  بوركونده  بير  ياراشا

بيرده كبين كسيلمه ميش سن منه بيرسؤزدئمه دين   يوخسا  جهازيمدا   گرك   گلئيدي  بير  حوققا  ماشا

دئديم:قضاگليب تاپيب بيرايشيدي اولوب  گئچيب         قوربانام  اول  آلا گؤزه   حئيرانان  اول  قلم   قاشا

منكي اؤزومده بير گناه گؤرمه ييرم چاره ندير؟           پيس بشرين قايداسي دير يا خشي ني گؤرسه دولاشا

دوستامروت ائتمه لي دوشمه نيله كئچينمه لي          قايدا  بودير  حئيف دئگيل  بشر يولون آشيب چاشا؟

منده سنين داي اوغلونام  سنده منيم بي بيم قيزي  گؤنول باخيرسا  گونه  شه  گؤزده  گرك بير  قاماشا

ايندي بيزيم مارال كيمي  اوچ بالاميز واردي,گرك        آتا -  آنا   ساواشسادا   بونلارا   خاطير   باريشا

هر كيشي عيالي دا  اؤز جاني تك  هؤروكلنيب         هدي ه ده اولماز  ائله سين عيالي  قارداش قارداشا

بو دنيا بير يول كيمي دير بيز آخرت مسافيري           كجاوه  ده  هاماش  گرك  اؤز  هاماشينان   ياناشا

آخرتي  اولانلارين  دنياسي غم سيز اولمويوب           سئل  دي  گله  آخار كئچر آمما گرك  آشيب – داشا

مثل دي:>يئركي برك اولوراؤكوزاؤكوزدن اينجييور<    هي  دارتيلير  ايپين  قيرا  يولداشيلا  بير  ساواشا

بيزيم ده روزگاريميز يامان دي بيزده عيب يوخ          بلكه   وظيفه دير   بشر   قونشولاريلان   قونوشا

حق حيات يوخ داها بيزلره چوخ  بؤيوك با شي          زندانيميزدا   حققيميز  بير  باجا  تاپساخ   تاماشا

آمما  اونون  شماتتي آللاها   خوش  گلميوبن             گئتدي  منيم   حياتيمي   وردي  داشا پيخدي  باشا

ايمان مشتريسي

آمان  آللاه  يئنه   شيطان   گليب ايمان  آپارا            قورويون   قويمايين ايمانيزي  شيطان  آپارا

منيم  انسانليغيمين  گورنه  حصاري  ياوادير             كي  گونوز  غول  بيابان  گلير  انسان  آپارا

خرمني ساقيزا  ورديك نه يامان چرچي دي بو            هئي  گلير  كنده  بيزه درد وئره درمان  آپارا

چؤرك آلميش الينه آج  نجه طاقت  گتيسين؟              ائله بيل يازگئجه سي قيز گليب اوغلان  آپارا

قانلي  ديرناقلارين((انگليس))ال قاتدي  بيزه              باخيسان((روس))دا آرازدان گئچر ايران آپارا

آرادان  بيرده  بيزي  بؤلسه  لر اربابلاريميز                 قورخورام  قويمايالار  تبريزي  تهران  آپارا

قارا طوفان كي داخي خلقله شوخلوق ائله مز          سئل گرك  ائل  داغيدا  ائو  ييخا ايوان  آپارا

بو قارانليق گئجه لرده قاپيميز پيس دؤگولور              نه بيليم  بلكه  اجل دير  دايانيب  جان   آپارا

آناما  سؤيله يين  اوغلون  ييخيليب سنگرده              ((تئللرين باس ياراما   قويما مني  قان آپارا))

سلقه لي اوغرو تاپيلميشسا بوباشسيز يئرده                (شهريار)دان دا  گرگ بير دولو  ديوان  آپارا

آللاه بوياغي

اسلام  اوياتدي خلقي  باشين  قاوزايان  قاچير            شيطان باجار مادي  كي  ياتانلار  اويانماسين

هر رنگي  آت  فقط  بويان   آللاه   بوياغينا                  هر  آلدادان   بوياغلارا   قلبين   بويانماسين

خلقين گؤزون  اوياددي شاهين مير غضبلري             قوي  بير  اويولسون  اؤز  گؤز  اويانماسين

تبليغ  او  پايه ده   اولسون   كه   مدعي                 بير نقطه سينده ضعفينه  بارماق  قويانماسين

الفاظي محكم  ائتمه لي  معاني چوخ  لطيف              سؤزلر گرك صوغانديسا هركس صويانماسين

آما  گئجه  نماز دا  قيليرسان  ياواشجا  قيل              قوي زحمت ايله هوشلانان  اولسا  اويانماسين

آغزندا  دادلي سؤزلريوي  سن  ده (شهريار)             ائيله   پيشيركي  خلق   داديندان  دويانماسين

غزل وغزال

بو گئجه  باده  ايله دفع  ملال  ائيله  ميشم                عؤمرون بير گئجه سينده بئله حال ائيله ميشم

بيزهارا  تارهارا  يارب  گئجه ميخانه هارا؟                      اونودوب دردي  بو ايامدا  مجال  ائيله ميشم

ساقي نين غمزه سي اوخ مئي جامي اولموش سپريم      فلكين  جؤورو ايله  جنگ و جدال ائيله ميشم

مئي دمير تك ائله ييب جانيمي غمله ووروشوم            غم  دئمه  دشمنيمي روستم  زال  ائيله ميشم

آجي ايامي شيرين ائتمگه سرخوش  دولانيب             كؤنلومو  ايندي اسير خط و خال  ائيله ميش

گؤرموشم من اوزونون ياري سيني تك قاشيني            اي اوزونده  نئجه گور سئير هلال ائيله ميش

گئتميش هيجران اوروجو گورجك هلال قاشلاريني       بايرام اولموش بو گؤروش عزم و وصال ائيله ميشم

گؤرموشم اوزده او زرين تئلي پروانه كيمي               يانميشام  اودلارا  ترك  پروبال  ائيله ميشم

ياتماييب صوبحه كيمي من گئجه گون اوزلو  يارين        سينه سي گوزگوم اولوب سئيرجمال ائيله ميشم

ساقي نين زلفونه عشق باغلاماسا عؤمرو اگر             من بئله درك ائله ييب  بؤيله خيال ائيله ميشم

شهريارا  غزل  ائتميش مني  جيران گؤزليم                گؤر  غزل ايله  نئجه  صيد غزال ائيله ميشم

ائوده بير ايل آه چكرم خبر يوخ

ائوده  بير  ايل  آه  چكرم   خبر  يوخ                   ائودن   چيخام   من   اويانا    يار  گلي

تاي-توشلاريم چوله چيخار گون چيخار                  من  چيخاندا   ياغيش   گئتسه   قار گلي

يازيغ  قوزوم !  آجليغا   دوز  داريخما                   بوگون   صاباح   باهار  گلي   بار گلي

بيزه  گله  - گلميه   بير   كال   اييد ه                   قونشوموزا     هيوا   گلي   نار   گلي

خان  ايوئينه  شئر  گله  قويروق  بولار                  بيزيم   ائوه   كور  ايت  گله   هار گلي

خلقه  قوناق  گلي   گوزي  سورمه  لي                  بيزيم  ائودن  كور  گئتمه ميش كار گلي

بختيمه    آرواد    نه   چيخا   بيلميرم                   بللي دي   كه   سارساغا   سوسار  گلي

 بير (بير اوچ  اتك)  اندازادير  اگنيمه                   (ساليسبوري)  گن   گلمه سه    دار گلي

دولتلي يه    ياس      داگله    اوينايار                   بيز  كاسيبا   توي   گله     آخسار  گلي

غم   يوكوندن    كدخدانين   حصه سي                  خردل   اولي    بيزيمگي   خالوار  گلي

كتده  بيزي  دويله   بير   هاوار   يوخ                  بيز  بير  كلمه  حق  دانيشساق  جار گلي

داغاشا   ييرتيلا   بيزه  سركار  چيخار                  دار    ديبيندن    قورتولا   سردار  گلي

بوندان بئله  ئوزگه  گوره م  ائوزگه دن                  منت     چكير    غيرتيمه    آر   گلي

ايشچي   تويوق   كسنده   من  باخانمام                  بيلمم   نئجه    اوره   گينده   وار  گلي؟

غمدن  منيم   بير  عينك  وار  گوزومده                  ايشيق – آيدين  گون   گوزومه  تار گلي

چوخ  شاعيرين  طبعي  دونار  بوز كيمي                *شهريار*ين    شعري ده   قاينار  گلي

باز باران بلاي  عقلا  مي آيد                                  عاقلا عقل رها كن كه بلا مي آيد

بچه يتيم

اي پا برهنه در به در  كوچه ها يتيم           گويد زبان حال  تو با ما چها يتيم

چون در اشك خود چه شدي بي بها يتيم        دامان آبرو مكن از كف رها يتيم

                        اشكم ببين و حسرت بي انتها يتيم

                        اي پا برهنه در به در كوچه ها يتيم

  مي سوزم اي نهال طبيعت به حال تو          كز باغبان  نديد نوازش نهال تو

گويد  زبان  حال تو   با  من ملال تو          مسئول؟ملت است به ننگ سئوال تو

                     ملت گناهكار و تو بيني جزا يتيم

                        اي پا برهنه در به در كوچه ها يتيم

گر بود  كشور تو به فكر سعادتي                       ور داشت ملت تو به فرهنگ رغبتي

امروز بهره داشتي از علم و صنعتي                   هم داشتي به جامعه قدرئ وقيمتي

                  با همت بلند نبودي  گدا يتيم

                        اي پا برهنه در به در كوچه ها يتيم

آنرا كه خواستي به تو دادم ولي ملول          تو در غم فروعي و من در غم اصول

اين آرزو اگرچه ندارد  سر حصول            تو مستحق  تربيتي جان من نه پول

                        مكتب به دردهاي تو بخشد دوا يتيم

                        اي پا برهنه در به در كوچه ها يتيم

اي خواستار رحم نداني كه رحم مرد            بويي ز عاطفت نتواني ز خلق برد

آنكس  كه قيم تو شد و هستي تو خورد         اين ناله هم به هيچ نخواهد  دگرشمرد

                        آخر مخوان فسانه ي مهر ووفا يتيم

                        اي پابرهنه در به در كوچه ها  يتيم

با من دلي شكسته ي شكوه ها كند                       گويد كه دولت اينهمه  غفلت چراكند

كي مي شود كه گوشه ي چشمي به ما كند              مكتب به روي ما  در اميد  واكند

                        اين آرزوي ماست وليكن كجا يتيم

                        اي پا برهنه در به دركوچه ها يتيم 

لب دوختند از تو و دردت نگفته ماند           رفتي ز دست و راه تكامل نرفته ماند

طي شد بهاروچون توگلي ناشكفته ماند          آوخ كه آن نداي فطري نهفته ماند

                        سقطي شدي نيافته نشو و نما يتيم

                        اي پا برهنه دربه دركوچه ها يتيم